Psa 5 | VulgJ | STEP | in finem pro ea quae hereditatem consequitur psalmus David victori pro hereditatibus canticum David

Psalms 5

1 in finem pro ea quae hereditatem consequitur psalmus David ^va 2 verba mea auribus percipe Domine intellege clamorem meum ^va 3 intende voci orationis meae rex meus et Deus meus ^va 4 quoniam ad te orabo Domine mane exaudies vocem meam ^va 5 mane adstabo tibi et videbo quoniam non deus volens iniquitatem tu es ^va 6 neque habitabit iuxta te malignus neque permanebunt iniusti ante oculos tuos ^va 7 odisti omnes qui operantur iniquitatem perdes omnes qui loquuntur mendacium virum sanguinum et dolosum abominabitur Dominus ^va 8 ego autem in multitudine misericordiae tuae introibo in domum tuam adorabo ad templum sanctum tuum in timore tuo ^va 9 Domine deduc me in iustitia tua propter inimicos meos dirige in conspectu meo viam tuam ^va 10 quoniam non est in ore eorum veritas cor eorum vanum est ^va 11 sepulchrum patens est guttur eorum linguis suis dolose agebant iudica illos Deus decidant a cogitationibus suis secundum multitudinem impietatum eorum expelle eos quoniam inritaverunt te Domine ^va 12 et laetentur omnes qui sperant in te in aeternum exultabunt et habitabis in eis et gloriabuntur in te omnes qui diligunt nomen tuum ^va 13 quoniam tu benedices iusto Domine ut scuto bonae voluntatis coronasti nos

^va